പുലിക്കുരുമ്പ : കാഷ്മീരിൽ ഭീകരണക്രമത്തിൽ വീരമൃത്യു വരിച്ച ജവാൻമാർക്ക് പുലിക്കുരുമ്പ ഗാന്ധി മെമ്മോറിയൽ ലൈബ്രറിയുടെ നേതൃത്വത്തിൽ ആദരാജ്ഞലി അർപ്പിച്ചു. ഇന്നലെ വൈകുന്നേരം ലൈബ്രറിയിൽച്ചേർന്ന അനുശോചന യോഗത്തിൽ ലൈബ്രറി പ്രസിഡണ്ട് ജോമോൻ തുണ്ടത്തിൽ, പുലിക്കുരുമ്പ ഇടവക വികാരി ഫാ. നോബിൾ ഓണംകുളം എന്നിവർ അനുശോചന സന്ദേശം നൽകി. തുടർന്ന് മെഴുകുതിരി തെളിച്ചുകൊണ്ട് ടൗണിൽ മൗനജാഥ നടത്തുകയും ചെയ്തു.
പുലിക്കുരുമ്പയിലെ പോത്തൻമാലിച്ചിറയിൽ സുനു-ബീന ദമ്പതികളുടെ മൂത്ത മകൻ സുബിൻ (25) പൊട്ടൻപ്ലാവ് ഏഴരക്കുണ്ട് വെള്ളച്ചാട്ടത്തിലെ ചുഴിയിൽപ്പെട്ടു മരിച്ചു. ഇന്ന് ഉച്ചകഴിഞ്ഞ് നാലരയോടു കൂടി കൂട്ടുകാരുമൊത്ത് കുളിക്കാനിറങ്ങിയപ്പോഴാണ് അപകടം സംഭവിച്ചത്. സ്റ്റുഡൻറ് വിസയിൽ ഇറ്റലിക്ക് പോകാനിരിക്കെയാണ് മരണം സുബിനെ തട്ടിയെടുത്തത്. സഹോദരങ്ങൾ: ശ്യാം, ജീവൻ.